- 70134243
- i_bkhs_tg@shuukh.mn
- АТГ-д гомдол мэдээлэл өгөх
БАЯНГОЛ ДҮҮРГИЙН ИРГЭНИЙ ХЭРГИЙН АНХАН ШАТНЫ ШҮҮХ-д
Нэхэмжлэл гаргах нь:
2022.00.00 Улаанбаатар хот
Хүсэлт гаргагч: Оршин суугаа газрын хаяг, ургийн овог, эцгийн нэр, өөрийн нэр, регистрийн дугаар, утасны дугаар
Нэхэмжлэлийн шаардлага: Гэрлэлтийг хүчин төгөлдөр бусад тооцуулах
Би 2004 онд БНСУ-ийн виз гаргуулах зорилгоор тус улсын иргэн Ким Жин Сүтэй мөн оны 10 сарын 20-ны өдөр гэрлэлтээ бүртгүүлж, гэрлэлтийн ДА00000 дугаартай гэрчилгээ авсан. Гэрлэлтээ батлуулснаас хойш би Ким Жин Сүтэй уулзаагүй, тэр хүн түрүүлээд Солонгос явсан. Би 2004 оны 12 сар Солонгос улсад очиж, 3 сар хэлний курст сурч, хажуугаар нь ажиллаж хийж байсан. Солонгост очоод Ким Жин Сү гэх хүнтэй уулзаагүй, хамт амьдарч байгаагүй тул виз дахин сунгагдаагүй. Визний хугацаа дууссанаас хойш би Солонгос улсад хууль бусаар 7 жил гаруй ажиллаж байх хугацаандаа 2007 онд нөхөр А.Амартай танилцаж, 2009 оны 03 сарын 07-ны өдөр бидний хүү А.Бат төрсөн. Бид 2011 оны 04 сараас Монгол улсдаа амьдарч байна.
Тухайн үед би Солонгос хүнтэй гэрлэлтээ бүртүүлбэл виз хурдан гардаг гэхээр нь өөрийн найзаар зуучлуулж Жин Сүтэй гэрлэлтээ бүртгүүлж байсан. Жин Сү нь намайг Солонгос улсад байх хугацаанд Монгол Улсын хилээр 8 удаа нэвтэрсэн байдаг. Би Жин Сүг олж гэрлэлтээ цуцлуулах гэж олон жил хөөцөлдсөн боловч чадаагүй. Би цаашид нөхөртэйгөө гэрлэлтээ бүртгүүлэх, хүүхдээ эцгээр нь овоглох, эд хөрөнгө эзэмших зэрэгт хүндрэлтэй байгаа тул БНСУ-н иргэн Ким Жин Сүтэй 2004 оны 10 сарын 20-ны өдөр ДА00000 дугаарт бүртгүүлсэн гэрлэлтийг хүчин төгөлдөр бусад тооцож өгнө үү.
Нэхэмжлэлд хавсаргасан баримтууд:
Улсын тэмдэгтийн хураамжийг Татварын ерөнхий газрын itax.mta.mn сайтаас төлбөрийн даалгавар үүсгэж, дурын банкны салбарт тушаах эсхүл шүүхийн байранд байршуулсан Gerege системийн өөртөө үйлчлэх төхөөрөмжөөр банкны карт ашиглан төлөх боломжтой.
Нэхэмжлэл гаргасан:
Нэр ... гарын үсэг ... гарын үсгийн тайлал
